Showing posts with label news. Show all posts
Showing posts with label news. Show all posts
បុរសម្នាក់រស់នៅក្នុងទីក្រុង Doncaster ប្រទេសអង់គ្លេស ត្រូវបានចាប់ខ្លួនដោយសារតែប្រើប្រាស់បណ្ដាញសង្គម Facebook មិនត្រឹមត្រូវ។
Shane Ward អាយុ៣១ឆ្នាំ បានសរសេរជា Comment លើទំព័រហ្វេសប៊ុករបស់ប៉ូលិស អំពីករណីរំលោភបំពានផ្លូវភេទមួយ ដោយបង្ហាញទាំងឈ្មោះរបស់ជនរងគ្រោះផង ដែលតុលាការកំពុងស៊ីបអង្កេត។ បុរសរូបនេះត្រូវបានជាប់ទោសពីបទបំពានសិទ្ធិជនរងគ្រោះនៃអំពើរំលោភបំពានផ្លូវភេទ។
ក្នុងច្បាប់អង់គ្លេស ជនរងគ្រោះមានសិទ្ធិមិនឲ្យសាធារណៈដឹងពីអត្តសញ្ញាណរបស់ខ្លួន។ Shane Ward នឹងត្រូវឡើងតុលាការនៅថ្ងៃទី២១ ខាងមុខនេះ ដោយសារការប្រើប្រាស់បណ្ដាញសង្គមមិនត្រឹមត្រូវ។
ប៊ូលិសក្នុងក្រុង Doncaster និយាយថា គេស្វាគមន៍រាល់ Comment នានា ប៉ុន្តែពាក្យពេចន៍ទាំងនោះមិនគួរបំពាក់លើនរណាម្នាក់ ឬច្បាប់របស់ប្រទេសឡើយ៕
ប្រិយមិត្តជាច្រើនដែលមានបញ្ហាមេរោគឆ្លងចូលកុំព្យូទ័រតាម Flash ឥឡូវនេះលែងបារម្ភទៀតទៅ។ ដោយមើល និងធ្វើតាមដំណាក់កាលនីមួយៗក្នុងវីដេអូនេះ អ្នកអាចបិទមេរោគពី USB ឆ្លងចូលកុំព្យូទ័ររបស់អ្នកបាន។
ទស្សនាវីដេអូ៖
អានគន្លឹះបច្ចេកវិទ្យាខ្លីៗ ចុចត្រង់នេះ
ដោយ៖ សំនៀង
ស្ថានីយទូរទស្សន៍ PNN នឹងបង្ហាញខ្លួនផ្លូវការហើយនៅថ្ងៃសៅរ៍ ទី ១១ ខែ កក្កដា ខាងមុខនេះ។ នៅក្នុងព្រឹត្តិការណ៍អបអរនៃការចាប់ផ្ដើមដំបូងរបស់ស្ថានីយទូរទស្សន៍ PNN នឹងមានវត្តមានតារាល្បីឈ្មោះមួយចំនួននៅក្នុងប្រទេសកម្ពុជា និង តារាថៃចំនួន ១២ នាក់ អញ្ជើញចូលរួមនៅក្នុងព្រឹត្តិការណ៍នេះ។
ប្រសិនបើពុំមានការប្រែប្រួលនោះទេ តារាថៃទាំង ១២ នាក់ នឹងមកដល់ប្រលានយន្តហោះអន្តរជាតិភ្នំពេញ នៅវេលាម៉ោង ១២:៣០ នាទីរសៀល គឺមកដល់មុន ៥ ម៉ោង នៃកម្មវិធីបើកការចាក់ផ្សាយលើកដំបូងរបស់ស្ថានីយទូរទស្សន៍ PNN។
អគ្គនាយកស្ថានីយទូរទស្សន៍ PNN លោក Glen Felgate បានថ្លែងថា៖ “ការសម្ដែងលើឆាក និង កម្មវិធីកម្រាលព្រំក្រហមរបស់យើង នឹងបង្ហាញរ៉ាយរ៉ាប់អំពីកម្មវិធីផ្សេងៗរបស់ស្ថានីយ។ ការចាក់ផ្សាយដែលនឹងចាប់ផ្ដើមនៅវេលាម៉ោង ៥:៣០ នាទីល្ងាច ថ្ងៃសៅរ៍ ១១ ខែកក្កដា នឹងអាចឱ្យទូរទស្សនិកជនបានស្គាល់រសជាតិពិតនៃស្ថានីយទូរទស្សន៍នេះ”។
ពិធីករ-ពិធីការិនីទូរទស្សន៍ មានលោក ប៉ែន ចំរ៉ុង អ្នកនាង NG និងអ្នកនាង ខាត់ សុខឃីម គឺស្ថិតក្នុងចំណោមតារាដែលនឹងបង្ហាញខ្លួនក្នុងកម្មវិធីនោះ។ ចំណែកឯតារាមកពីប្រទេសថៃទាំង ១២ នាក់នោះវិញ រួមមាន៖
-Patricia Tanchanok Good
-Art Phasut Banyaem
-JOY RINLANEE SRIPEN
-Puifai af
-KAI VORAYUTHMILINCHENDA
-Mek Chirayu Khanthayuth
-Pak Narapat
-Marninphun Pinyopiyawis
-Nino Methanee Buranasiri
-Maple Patchuda
-GAVIN DUVAL
-POTAE NIA BAEB
-Art Phasut Banyaem
-JOY RINLANEE SRIPEN
-Puifai af
-KAI VORAYUTHMILINCHENDA
-Mek Chirayu Khanthayuth
-Pak Narapat
-Marninphun Pinyopiyawis
-Nino Methanee Buranasiri
-Maple Patchuda
-GAVIN DUVAL
-POTAE NIA BAEB
Patricia-Tanchanok-Good
Joy
លោក Art-Phasut-Banyaem
ស្ថានីយទូរទស្សន៍ PNN បានចំណាយទុនវិនិយោគជាង ២០លានដុល្លារអាមេរិកទៅលើការសាងសង់ស្ទូឌីយ៉ូ ក៏ដូចជាឧបករណ៍ទំនើបៗ និងទឹកប្រាក់រាប់លានដុល្លារអាមេរិកទៀត ទៅលើការផលិតកម្មវិធី៕
ព័ត៌មានលម្អិតចុចអានត្រង់នេះ
អត្ថបទ៖ ដៃគូសហការ
អង្ករក្លែងក្លាយមិនត្រឹមតែគ្មានឥទ្ធិពលអាក្រក់សម្រាប់អ្នកប្រើប្រាស់ប៉ុណ្ណោះទេ ប៉ុន្តែវាថែមទាំងអាចមានគុណភាពល្អជាងអង្ករធម្មជាតិទៅទៀត ព្រោះមានកម្រិតគ្លុយកូសតិច។ នេះបើតាមការបញ្ជាក់របស់អ្នកវិទ្យាសាស្ត្រចំណីអាហារនៅសាកលវិទ្យាល័យមួយរបស់ប្រទេសហ្វីលីពីន។
អ្នកស្រី Ma. Concepcion Lizada ដែលកាន់សញ្ញាប័ត្របណ្ឌិត និងជាអតីតសាស្ត្រាចារ្យផ្នែកវិទ្យាសាស្ត្រចំណីអាហារនៅសាកលវិទ្យាល័យ UP Diliman បាននិយាយថា ការល្បីសុសសាយចំពោះអង្ករក្លែងក្លាយនាពេលបច្ចុប្បន្ននេះ បាននាំឲ្យវាមានឈ្មោះមិនល្អ។
“ខ្ញុំគួរហៅវាថាជាអង្ករច្នៃប្រឌិតវិញ… អង្ករច្នៃប្រឌិតកំពុងត្រូវគេផ្ដល់ឈ្មោះអាក្រក់ជាទីបំផុត”។ អ្នកស្រីសាស្ត្រាចារ្យ Lizada ប្រាប់ក្រុមអ្នកវិទ្យាសាស្ត្រ សាស្ត្រាចារ្យ និងក្រុមអ្នកស្រាវជ្រាវជាច្រើនទៀត ក្នុងវេទិកាមួយនៃកិច្ចប្រជុំប្រចាំឆ្នាំលើកទី៣៧ របស់ក្រុមអ្នកវិទ្យាសាស្ត្រ នៅសណ្ឋាគារម៉ានីល កាលពីថ្ងៃពុធម្សិលមិញ។
អ្នកវិទ្យាសាស្ត្រស្រីរូបនេះ បានអះអាងថា អង្ករក្លែងក្លាយពិតជាធ្វើចរាចរណ៍យ៉ាងទូលំទូលាយលើទីផ្សារមែន ប៉ុន្តែគេហៅវាថាអង្ករពោត។ សារព័ត៌មានជាច្រើនបានវាយប្រហារទៅលើអង្ករប្រភេទនេះ ប៉ុន្តែអ្នកស្រីបានអះអាងថាធ្លាប់សាកល្បងដោយផ្ទាល់រួចហើយ និងបញ្ជាក់ថាវាពិតជាឆ្ងាញ់។
អ្នកស្រី Lizada បាននិយាយទៀតថា អង្ករច្នៃប្រឌិត ឬអង្ករពោត គឺជាផលិតផលនៃបច្ចេកវិទ្យាចំណីអាហារ។ អង្ករប្រភេទអាចល្អជាងអង្ករធម្មជាតិ ព្រោះផលិតចេញពីប្រភពសារជាតិជាច្រើន និងមានជាតិគ្លុយកូស(ស្ករ)តិច។
យ៉ាងណាក្ដី មតិនេះត្រូវបានប្រជាជនជាច្រើនច្រានចោល និងចាត់ទុកថាគ្មានមូលដ្ឋាន ប៉ុន្តែក៏មានអ្នកគាំទ្រទៅលើអ្នកវិទ្យាសាស្ត្រពោរពេញដោយបទពិសោធន៍ដែរ។ មួយរយៈចុងក្រោយនេះ អង្ករក្លែងក្លាយបានក្លាយជាប្រធានបទក្ដៅក្នុងប្រទេសហ្វីលីពីន បន្ទាប់ពីមានការរីករាលដាលបន្តបន្ទាប់នៅតំបន់នានា៕
វីដេអូបង្ហាញពីបាយដែលដាំចេញពីអង្ករក្លែងក្លាយ៖
ចុះប្រិយមិត្តយល់យ៉ាងដែរ ចំពោះមតិរបស់អ្នកវិទ្យាសាស្ត្រចំណីអាហាររូបនេះ?
ប្រិយមិត្តដែលចូលចិត្តសិក្សាច្បាប់ ឬ ចង់មានចំណេះដឹងបន្ថែមទាក់ទងនឹងច្បាប់ក្នុងស្រុកខ្មែរឥឡូវអាចមានឱកាសទាញយក ឬ មើលលើទូរសព្ទ និង កុំព្យូទ័របានរហូតដល់ ៣០៥ ក្បាលដែលក្នុងនោះមាននីតិច្បាប់សម្រាប់ដោះស្រាយបញ្ហាផ្សេងៗ។
ដើម្បីបានសៀវភៅច្បាប់អេឡិចត្រូនិកទាំងនោះមកអានធ្វើតាមជំហានខាងក្រោម៖
១. សម្រាប់អ្នកប្រើប្រាស់កុំព្យូទ័រ
ក .ដំបូងចុចត្រង់នេះ … ដើម្បីទៅកាន់ប្រភពដើមសៀវភៅទាំងនោះ
ខ .ចុចលើពាក្យ Add To Drive បន្ទាប់មក ចុចលើពាក្យ Open in Drive រួចចុច Open to Drive
គ .ត្រង់នេះទាមទារឲ្យប្រិយមិត្តមានគណនី Google (email) មួយដើម្បីចូលទៅកាន់ Google Drive បាន
ឃ. មួយទៀតប្រិយមិត្តអាច Download ជា File PDF បាន (មើលរូប)
២. សម្រាប់អ្នកប្រើប្រាស់ទូរសព្ទទាំង iOS និង Android
ក. ដំបូងត្រូវទាញយក App មួយឈ្មោះថា Google Drive ពី App Store ឬ Play Store
ខ. បន្ទាប់មកចុចត្រង់នេះ… ដើម្បីចូលទៅប្រភពដើមនៃសៀវភៅច្បាប់ទាំងនោះ
គ. ត្រង់នេះទាមទារឲ្យប្រិយមិត្តមានគណនី Google (gmail)មួយសម្រាប់ចូលទៅកាន់ Google Drive បាន ,ចុច Sign In
ឃ. ចុចពាក្យថា Add បន្ទាប់មកពាក្យ Open in Drive
ង. ត្រង់នេះគឺរាល់សៀវភៅទាំងអស់នឹងទាញយកចូលទៅក្នុង Google Drive ពេលប្រិយមិត្តចង់បើកមើលគឺគ្រាន់តែចូលទៅកាន់ App Google Drive ជាការស្រេច
បញ្ជាក់៖ ប្រិយមិត្តគ្រាន់តែបំពេញ Gmail ដែលប្រិយមិត្តប្រើប្រាស់លើកុំព្យូទ័រឲ្យដូចទៅលើទូរសព្ទគឺអាចបើកមើលនៅលើ Google Drive របស់ទូរសព្ទបានហើយ។
អត្ថបទ៖ ដារ៉ាឆានី
ប្រភពនៃសៀវភៅ៖ Page ជំរុញការពិភាក្សាអំពី ការអភិវឌ្ឍន៍
ប្រភពនៃសៀវភៅ៖ Page ជំរុញការពិភាក្សាអំពី ការអភិវឌ្ឍន៍
ហួត វណ្ណី ប្រាប់គន្លឹះយកឈ្នះកម្មវិធី Quiz on Korea ដែលប៉ុស្តិ៍ KBS ផ្សាយពេលវគ្គផ្ដាច់ព្រ័ត្រ
កញ្ញា ហួត វណ្ណី ជាម្ចាស់ជយលាភីប្រចាំកម្មវិធី Quiz on Korea ២០១៥ ប្រចាំកម្ពុជា ដែលកញ្ញាទទួលបានចំណាត់ថ្នាក់លេខ ១ ក្នុងចំណោមអ្នកចូលរួមជាង ២១០ នាក់ កាលពីថ្ងៃសៅរ៍ ទី ២៧ មិថុនា ២០១៥ នៅអាគារ CKCC ថ្មីៗនេះ បានប្រាប់ពីតិចនិកក្នុងការដណ្ដើមជ័យជម្នះនេះ។
យុវតីអាយុ ២២ ឆ្នាំរូបនេះ បានប្រាប់ថា ព្រឹត្តិការណ៍ Quiz on korea គឺកម្មវិធីប្រកួតសំនួរចម្លើយលំដាប់ពិភពលោក ( Global Quiz) ដែលមានការចូលរួមពីប្រមាណ ២០ ប្រទេស ទូទាំងសកលលោក ដែលរៀបចំដោយស្ថានទូតសាធារណរដ្ឋកូរ៉េ សហការជាមួយទូរទស្សន៍ KBS ដែលកម្មវិធីនេះ ចោទសួរច្រើនអំពីវប្បធម៌ ម្ហូប សិល្បៈ និង ប្រទេសកូរ៉េ ដោយឆ្លើយសំនួរខ្លីៗពាក់ព័ន្ធនឹងកូរ៉េ។
អតីតនិស្សិតផ្នែកភាសាកូរ៉េ នៃសាកលវិទ្យាល័យភូមិន្ទភ្នំពេញ បន្តថា លើកមុនកញ្ញាក៏បានចូលរួមប្រកួតកម្មវិធីនេះផងដែរ ប៉ុន្តែ មិនទទួលជ័យលាភីទេ។ តែសម្រាប់ឆ្នាំនេះ ដោយសារវណ្ណីមានគន្លឹះដើម្បីយកជយលាភីទើបអាចយកឈ្នះបាន ដោយការរៀនភាសាកូរ៉េយ៉ាងយកចិត្តទុកដាក់ អានសៀវភៅទាក់ទងនឹងប្រវត្តិសាស្ត្ររួមទាំងវប្បធម៌យ៉ាងច្រើនស្ទើរតែរាល់ថ្ងៃ ដែលជាមូលហេតុធ្វើឲ្យកញ្ញាដឹងច្រើនពាក់ព័ន្ធនឹងកូរ៉េ អាចឆ្លើយបានល្អស្ទើរគ្រប់សំនួរយ៉ាងដូច្នេះ ព្រោះថា កម្មវិធីនេះគេចោទសួរពាក់ព័ន្ធនឹងប្រទេសកូរ៉េ ដូច្នេះបើបេក្ខជនមិនបានអានឬស្រាវជ្រាវច្រើនពីកូរ៉េទេ នោះពិតជាពិបាកនឹងទទួលជយលាភីណាស់។
ចំពោះការប្រកួតនេះ កញ្ញា ហួត វណ្ណី នឹងត្រូវទៅចូលរួមបន្តវគ្គផ្ដាច់ព្រ័ត្រនៅសាធារណរដ្ឋកូរ៉េ ដែលប្រព្រឹត្តទៅក្នុងខែកញ្ញាខាងមុខ ដើម្បីសាកល្បងសមត្ថភាពជាមួយអ្នកឈ្នះតំណាងមកពីប្រទេសដទៃទៀត ដែលការប្រកួតនៅកូរ៉េនេះ ស្ថានីយទូរទស្សន៍ KBS World របស់កូរ៉េ នឹង ផ្សព្វផ្សាយទៅជាង ១០០ ប្រទេសជុំវិញពិភពលោក៕
ចង់ថតកុនដែលចាយទុនតិចក៏បាន តែដឹងត្រូវធ្វើអ្វីខ្លះអត់?
ឃើញភាពយន្តបញ្ចាំងតាមរោងកុននីមួយៗសុទ្ធតែចំណាយទុនផលិតអស់យ៉ាងច្រើន។ ចុះបើប្រិយមិត្ត ដែលពុំធ្លាប់រៀនជំនាញថតកុនអីសោះ តែចង់ផលិតកុនតូចមួយរឿងដោយចំណាយថវិកាតិច តើដឹងត្រូវធ្វើអ្វីខ្លះអត់?
បើចង់ដឹង មើលខាងក្រោមនេះ ដែលជាការណែនាំដោយគេហទំព័រ Wikihow៖
I. ត្រៀមខ្លួនជាស្រេច
១. គិតសិនមុននឹងសម្រេចចិត្តព្រោះថតកុនមួយរឿងត្រូវចំណាយថវិកា និងពេលវេលា។
១. គិតសិនមុននឹងសម្រេចចិត្តព្រោះថតកុនមួយរឿងត្រូវចំណាយថវិកា និងពេលវេលា។
២. មានគំនិតថាចង់ផលិតសាច់រឿងអ្វី
៣. បើអ្នកច្បាស់ថាត្រូវតែផលិតរឿង ចាប់ផ្ដើមសរសេរសេណារីយ៉ូរឿងទៅ។ សេណារីយ៉ូមិនបាច់អត់ខ្ចោះ១០០% និងមិនគួរសម្ដែងតាមទាំងស្រុងនោះដែរ។ មានន័យថា អ្នកអាចកែពេលកំពុងថត បើគិតថាមិនសម។
៤. ត្រូវមានទស្សនវិស័យថាអ្នកត្រូវទៅណា
៥. បង្កើត Shot list គូរ Storyboards
៦. បង្កើតកាលវិភាគថត និងគណនាការចំណាយឲ្យហើយ
II. ចាត់ចែងមនុស្ស
១. រកតួសម្ដែងរបស់អ្នក និងឲ្យគេហាត់សម្ដែងឲ្យហើយ
១. រកតួសម្ដែងរបស់អ្នក និងឲ្យគេហាត់សម្ដែងឲ្យហើយ
២. ជួលក្រុមថត (អ្នកកាន់កាមេរ៉ា អ្នកកាន់មេក្រូហ្វូន អ្នកកាន់ភ្លើង…)
III. ឲ្យកិត្តិយសជួសការចំណាយលុយ
១. រកអ្វីដែលហ្រ្វីៗឲ្យបានច្រើន ដូចកន្លែងថតអត់បាច់ជួល កាមេរ៉ាគេឲ្យខ្ចី
IV. ប្រុងប្រយ័ត្នផ្សេងៗ
១. កន្លែងខ្លះបើតម្រូវឲ្យសុំច្បាប់អនុញ្ញាត ត្រូវសុំការអនុញ្ញាត ឬបើសាច់រឿងត្រូវឆ្លងរដ្ឋាភិបាលគួរតែឆ្លងជាមុន។
២. ចេះចាត់ចែងអ្វីៗគ្រប់បែបយ៉ាងឲ្យហើយ
V. ចាប់ផ្ដើមដំណើរការថត
១. ពេលថតត្រូវតម្រង់ទៅតាមទស្សនវិស័យរបស់អ្នក
២. ពេលថតត្រូវចេះរួសរាយរាក់ទាក់ និងព្យាយាមពន្យល់ដល់សហការី បើពួកគេមិនយល់ត្រង់ណា
៣. បើវីដេអូនេះថតដើម្បីចូលរួមមហោស្រព ត្រូវគោរពតាមច្បាប់របស់មហោស្រពនេះក្នុងការផលិត
VI. ចាប់ផ្ដើមកាត់ត
១. ត្រូវចេះកម្មវិធីកាត់ត។ បើមិនចេះត្រូវរៀន។
១. ត្រូវចេះកម្មវិធីកាត់ត។ បើមិនចេះត្រូវរៀន។
២. ចេះដាក់ឈ្មោះក្រុមការងារ និងសេចក្ដីថ្លែងអំណរគុណក្នុងវីដេអូ
៣. បង្ហាញភាពយន្តដែលសម្រេច ដល់មិត្តភ័ក្ដិ
៤. Burn ជា DVD ហើយអញ្ជើញអ្នកផ្សេងមកទស្សនា
-ចុចអាន៖ ម៉ូដែលមិនសុទ្ធតែរាងស្អាតទេ តែអ្នកថតរូបប្រើតិចនិកទាំងនេះជួយឲ្យរាងស្វេលបាន
ប្រភព៖ wikihow
តោះចាប់ផ្តើមការសប្បាយដ៏អស្ចារ្យជាមួយគ្នា!
mJamsដែល ជាកម្មវិធីទូរស័ព្ទតន្រ្តីដ៏ថ្មីបំផុតដែលនឹងអាចទាញយកបានសម្រាប់ ទូរស័ព្ទចល័តស្មាតហ្វូនទាំងអស់ និងគ្រប់បណ្តាញទូរស័ព្ទនៅប្រទេសកម្ពុជាក្នុងពេលឆាប់ៗនេះ។ នៅថ្ងៃទី 15 ខែកក្កដា ឆ្នាំ 2015 អ្នកនឹងអាចទាញយកចំរៀងរបស់សិល្បករខ្មែរល្បីៗនិងអន្តរជាតិទាំងអស់។ គ្រាន់មានតែទូរស័ព្ទចល័តស្មាតហ្វូនមួយប៉ុណ្ណោះអ្នកអាចស្តាប់បទ ចម្រៀងណាមួយនៅក្នុងអាប៊ុមតន្ត្រីរបស់យើងយ៉ាងច្រើន។ mJams មានសិទ្ធិផ្តាច់មុខក្នុងការផ្សាយតន្ត្រីអន្តរជាតិធំបំផុតលើពិភពលោក និងសម្រាប់ចម្រៀងកម្ពុជាពីផលិតកម្មថោន, សានដេ រស្មីនាគមាស និងផលិតកម្មឥន្ទធនូ។
mJams នឹងត្រូវដាក់ឱ្យទាញយកពី Google Play Store នៅថ្ងៃទី 15 ខែកក្កដាឆ្នាំ 2015 និងពី iTunes Store និង mJamsmusic.com ឆាប់ៗដោយឥតគិតថ្លៃ។
mJams គឺជាកម្មវិធីទូរស័ព្ទតន្រ្តីដំបូងបំផុតរបស់ប្រទេសកម្ពុជា។ តន្ត្រីរបស់ mJamsនឹងទៅគ្រប់ ទីកន្លែង ដែលអ្នកទៅ។ ហើយមានតែការផ្ដល់ជូនពិសេស គ្មានដែនកំណត់ មិនមានការរំខានរបស់ mJamsប៉ុណ្ណោះ ដែលផ្តល់លោកអ្នក នូវបទចម្រៀងគ្មានទីបញ្ចប់។ អ្នកអាចស្អាប់តន្រ្តីថ្មីបំផុតពេញនិយម ដោយគ្រាន់តែប្រើម្រាមដៃរបស់លោកអ្នកចុចលើ កម្មវិធីតន្រ្តី mJams។ mJams គឺជាកម្មវិធីតន្ត្រីតែមួយគត់ នៅកម្ពុជាដែលបង្កើតមកជាមួយនឹងលក្ខណៈពិសេសអស្ចារ្យជាច្រើន។
We’re Jammin’! ជាមួយនឹងលក្ខណៈពិសេសផ្តាច់មុខ Jamming អ្នកអាចបង្កើតបុ៉ស្តឹ៌វិទ្យុជាមួយនិងឌីជេផ្ទាល់ខ្លួនរបស់អ្នកបាន។ Jamming ផ្តល់ជំរើសស្រដៀងគ្នានឹងប្រភេទតន្ត្រីដែលអ្នកចូលចិត្ត និងផ្តល់ជំរើសកាន់តែច្រើនដល់អ្នក។
ពិភពតន្រ្តីរបស់អ្នក! mJams Discover អាចអោយអ្នកទទួលបានអាល់ប៊ុម និងចម្រៀងថ្មីៗទាំងខ្មែរ និង អន្តរជាតិភ្លាមៗនៅថ្ងៃដែលអាល់ប៊ុមចេញលក់។
លក្ខណៈពិសេសខារ៉ាអូខេ! តាំងពីដើមដំបូងមក mJams បានរចនាឡើងសម្រាប់ប្រជាជនកម្ពុជាដោយសារតែយើងស្រឡាញ់ការច្រៀងតាមទៅនឹងបទថ្មីនិងបុរាណដែលយើងចូលចិត្ត។ ជាមួយនឹង mJams ទំនុកច្រៀងលេងជាមួយនឹងបទចម្រៀង ដូច្នេះអ្នកនឹងមិនរំលងចង្វាក់ណាទ្បើយ។
ស្តាប់, រក្សាទុកនិងចែករំលែកវា! mJams ផ្ដល់ឱ្យអ្នកនូវការគ្រប់គ្រងដ៏ល្អបំផុតនៅលើតន្ត្រីរបស់អ្នក។ បង្កើតបញ្ជីបទដែលអ្នកចូលចិត្តនិងចែករំលែកឱ្យជាមួយនឹងក្រុម គ្រួសារនិងមិត្តភក្តិតាមរយៈ Facebook និង Twitter។
តើ អ្នកជាអ្នកតន្ត្រីករឬ ផលិតករចម្រៀងម្នាក់ដែលចង់ចែករំលែកតន្ត្រីរបស់អ្នកទៅអ្នកគាំទ្រទាំង អស់ដែរ រឺទេ? អ្នកក៏អាចផ្ងើរតន្ត្រីរបស់អ្នកមក artist@mjamsmusic.com។ ភ្នាក់ងាររបស់យើងនឹងទំនាក់ទំនងមកអ្នកវិញ។ ចូលមកកាន់ទំព័រហ្វេសប៊ុក mJams ជាមួយលក្ខណៈពិសេសថ្មីៗ និងព្រឹត្តិការណ៍នាពេលខាងមុខ។
mJams ជាផលិតផលមួយរបស់ក្រុមហ៊ុន Mobimedia (Cambodia) Limited, Phnom Penh សម្រាប់ព័ត៌មានបន្ថែមសូមទាក់ទងមកកាន់ mobilmedia.com.au សម្រាប់សារព័ត៌មាន រូបភាពមានទំហំធំ និងសំនួរផ្សេងៗ,សូមចូលទៅកាន់mjamsmusic.com។
អត្ថបទ៖ ពាណិជ្ជកម្ម
