ដោយសារ​តែ​​ប្រើប្រាស់​បណ្ដាញ​​សង្គម​ Facebook​ មិន​ត្រឹម​ត្រូវ ត្រូវចាប់ខ្លួន

បុរស​ម្នាក់​​រស់​នៅ​ក្នុង​ទី​ក្រុង​ Doncaster​ ប្រទេស​អង់គ្លេស​ ត្រូវ​បាន​ចាប់​ខ្លួន​​ដោយសារ​តែ​​ប្រើប្រាស់​បណ្ដាញ​​សង្គម​ Facebook​ មិន​ត្រឹម​ត្រូវ។

Shane Ward ​អាយុ​៣១​ឆ្នាំ​ បាន​សរសេរ​ជា Comment ​លើ​ទំព័រ​ហ្វេសប៊ុក​របស់​ប៉ូលិស​ អំពី​​ករណី​រំលោភ​បំពាន​ផ្លូវ​ភេទ​មួយ​ ដោយ​បង្ហាញ​ទាំង​ឈ្មោះ​របស់​ជន​រង​គ្រោះ​​ផង​ ដែល​តុលាការ​កំពុង​ស៊ីប​អង្កេត។ បុរស​រូប​នេះ​ត្រូវ​បាន​ជាប់​ទោស​ពី​បទ​បំពាន​សិទ្ធិ​​ជន​រង​គ្រោះ​នៃ​អំពើ​​រំលោភ​បំពាន​ផ្លូវ​ភេទ។

ក្នុង​ច្បាប់​អង់គ្លេស​ ជន​រងគ្រោះ​មាន​សិទ្ធិ​មិន​ឲ្យ​សាធារណៈ​ដឹង​ពី​អត្តសញ្ញាណ​របស់​ខ្លួន។ Shane Ward ​នឹង​ត្រូវ​ឡើង​តុលាការ​នៅ​ថ្ងៃ​ទី​២១​ ខាង​មុខ​នេះ ដោយសារ​ការ​ប្រើប្រាស់​បណ្ដាញ​សង្គម​មិន​ត្រឹម​ត្រូវ។ ​

ប៊ូលិស​ក្នុង​ក្រុង Doncaster​ និយាយ​ថា​ គេ​ស្វាគមន៍​រាល់​ Comment នានា​ ប៉ុន្តែ​ពាក្យ​ពេចន៍​ទាំង​នោះ​មិន​គួរ​បំពាក់​លើ​នរណា​ម្នាក់​ ឬ​ច្បាប់​របស់​ប្រទេស​ឡើយ៕