អូបាម៉ាក្លែងក្លាយទាំងបីនាក់នេះ ម្នាក់ណាដូចជាងគេ?
មនុស្សដែលមានមុខមាត់ស្រដៀងប្រធានាធិបតីសហរដ្ឋអាមេរិក បារ៉ាក់ អូបាម៉ា បានបង្កើនប្រជាប្រិយភាពយ៉ាងឆាប់រហ័សតាមបណ្ដាញសារព័ត៌មាននានា។ ក្នុងចំណោមនោះ មានមនុស្សបីនាក់ដែលគួរឲ្យចាប់អារម្មណ៍ និងកំពុងរស់នៅប្រទេសបីផ្សេងគ្នា គឺចិន អាមេរិក និងឥណ្ឌូណេស៊ី។
បុរសជនជាតិឥណ្ឌូណេស៊ីវ័យ ៤០ឆ្នាំម្នាក់ឈ្មោះ Ilham Anas មកពីរដ្ឋធានីហ្សាកាតា អាចរកប្រាក់ចំណូលបានស្រួលៗ ដោយគ្រាន់តែធ្វើការជាអ្នកដើរតួធ្វើប្រធានាធិបតីសហរដ្ឋអាមេរិក បារ៉ាក់ អូបាម៉ា ប៉ុណ្ណោះ ព្រោះរូបគេមានមុខស្រដៀងពេក។
លោក Xiao Jiguo កំពុងរស់នៅក្រុងក្វាងចូវ ខេត្តក្វាងទុង ប្រទេសចិន។ បុរសវ័យ ២៩ឆ្នាំរូបនេះ បានក្លាយជាផ្ទាំងស៊ីបរបស់អ្នកលេងបណ្ដាញសង្គមដំបូងកាលពី ឆ្នាំ២០១២ នៅពេលមិត្តភក្តិរបស់លោក បង្ហោះវីដេអូមួយ។ ចាប់ពីពេលនោះមក លោកក៏ចាប់ផ្ដើមត្រាប់តាមសកម្មភាពរបស់ បារ៉ាក់ អូបាម៉ា តែម្ដង។
លោក Reggie Brown បានសាងកេរ្តិ៍ឈ្មោះលើទឹកដីអាមេរិកជាមួយបុរសម្នាក់ទៀតឈ្មោះ Howard ដែលមានមុខមាត់ស្រដៀងមេដឹកនាំវ័យក្មេងរបស់កូរ៉េខាងជើង គីម ជុងអ៊ុន។ ដោយសារមានមុខមាត់ដូចប្រធានាធិបតីស្បែកខ្មៅ បារ៉ាក់ អូបាម៉ា រូបគេត្រូវផលិតកម្មជាច្រើនទាក់ទងឲ្យថតខ្សែភាពយន្ត៕
ប្រែសម្រួល៖ គង់ វិសាល
0 comments: